ᐃᖅᑲᓇᐃᔮᒃᓴᖅ – ᐃᓕᓐᓂᐊᕐᑐᓄᑦ
ᐃᒪᕐᔪᐊᒥ ᓄᓇᖑᐊᓕᕆᐅᑏᑦ, Ocean Asset Map (OAM) ᐃᑲᔪᕐᑕᐅᔭᕆᐊᓕᓐᓂᒃ ᐋᖅᑭᐅᒪᑎᑦᓯᔨᐅᓂᕐᒧᑦ
ᐅᑯᐊ ᓂᐱᒋᔭᐅᔪᑦ ᓂᐅᕙᐅᓐᓛᒧᑦ ᓚᐸᑐᐊᒧᓪᓗ, OceansAdvance Inc.ᕿᓂᕐᒪᑕ ᐃᖅᑲᓇᐃᔭᕐᑎᒃᓴᓂᒃ ᐃᑲᔪᕐᑕᐅᔭᕆᐊᓕᓐᓂᒃ ᐋᖅᑭᐅᒪᑎᑦᓯᔨᐅᓂᕐᒧᑦ ᐃᑲᔪᕐᓂᖃᓂᐊᕐᓗᑎᒃ ᓄᓇᖑᐊᓕᕆᓂᕐᒧᑦ 2.0,ᒥᒃ ᐱᓕᕆᔪᓄᑦ.
ᐃᖅᑲᓇᐃᔮᒃᓴᐃᑦ ᐅᓄᕐᓂᖏᑦ: 8
ᓇᓂ ᐃᖅᑲᓇᐃᔭᒃᓴᐃᑦ: ᐅᖓᓯᑦᑐᒥ
ᑐᑭᓯᒋᐊᕐᕕᒃᓴᐃᑦ ᓱᓇᐅᓂᖏᓐᓄᑦ
ᑲᓇᑕᒥ ᐃᒪᕐᒥᐅᑕᓕᕆᔨᒃᑯᑦ ᑲᒪᓇᒻᒪᕆᑦᑐᓂᒃ ᐱᔪᓐᓇᕐᓂᖃᒪᑕ ᐊᒻᒪ ᓴᓐᖏᓂᖃᓱᑎᒃ ᓇᓂᓕᒫᖅ ᑲᓇᑕᒥ ᐃᒪᖃᐅᕐᑐᓂ. ᐃᓕᑕᕐᓯᓇᕇᒪᑦ ᑲᓇᑕᒥ ᐊᒥᓱᐊᓗᓐᓂᒃ ᐃᒪᕐᒥᐅᑕᓕᕆᓂᒃᑯᑦ ᑮᓇᐅᔭᓕᐅᕋᓱᐊᕐᑎᖃᐅᕐᒪᑦ, ᐊᒻᒪᓗ ᐱᓕᕆᖃᑎᒌᒍᑕᐅᑦᓯᐊᕈᓐᓇᕐᑐᓂᒃ ᐊᒻᒪ ᐱᓇᓱᐊᖃᑎᒌᑐᓂᒃ, ᑖᒃᑯᐊ ᐃᒪᕐᒥᒃ ᓄᓇᖑᐊᓕᕆᔨᒃᑯᑦ, Ocean Asset Map (OAM) ᐊᖅᑭᒃᓱᕐᑕᐅᓯᒪᓂᖏᑎᒍᑦ, ᓴᓇᒪᓂᖏᑎᒍᑦ, ᐊᒻᒪ ᓴᖅᑭᑕᐅᓯᒪᓪᓗᑎᒃ 2019,ᒥ. ᑖᒃᑯᐊ ᐃᒪᕐᒥᒃ ᐊᔾᔨᓕᐅᕆᓂᒃᑯᑦ ᓄᓇᖑᐊᓕᕆᔨᒃᑯᑦ ᐱᔾᔪᑎᖃᕐᓯᒪᔪᑦ ᑲᔪᓯᑎᑕᐅᔪᓐᓇᕐᓂᖏᓐᓂᒃ ᓄᑖᑦ ᐱᓕᕆᐊᒃᓴᐃᑦ, ᐊᖏᔫᓂᖏᓐᓂᒃ, ᐊᒻᒪ ᐱᖃᓯᐅᑎᓪᓗᒋᑦ ᐃᒪᕐᒥᐅᑕᓕᕆᓂᖅ, ᐊᒻᒪ ᑲᔪᓯᑎᑦᓯᓗᑎᒃ ᐱᓕᕆᖃᑎᒌᒋᐊᖃᕐᓂᕐᒥᒃ ᐊᒻᒪ ᐱᓇᓱᖃᑎᒋᒋᐊᖃᓂᕐᒥᒃ ᐱᔾᔪᑎᒋᓗᒋᑦ ᓇᓂᓕᒫᖅ ᐃᒪᕐᒥᐅᑕᓕᕆᓂᒃᑯᑦ ᑭᓇᐅᔭᓕᐅᕈ ᑕᐅᔪᓐᓇᕐᑐᑦ. ᑕᕝᕘᓇ ᐊᕐᓱᕈᕈᑎᖃᓂᒃᑯᑦ, ᑖᒃᑯᐊ ᓄᓇᖑᐊᓕᕆᔨᐅᔪᑦ ᑐᕌᒐᖃᕐᑐᑦ ᑲᔪᓯᑎᑦᓯᕙᓪᓕᐊᖏᓐᓇᕆᐊᖅ ᐊᒻᒪ ᐊᖏᓪᓕᒋᐊᕐᑎᑦᓯᒋᐊᖅ ᑲᓇᑕᒥ- ᐃᒪᕐᒥᐅᑕᓕᕆᓂᒃᑯᑦ ᑮᓇᐅᔭᓕᐅᕈᑎᒃᓴᓂᒃ, ᑕᒪᐃᑎᒍᑦ ᑲᓇᑕᒥ ᓯᓚᕐᔪᐊᒥᓗ.
ᐊᔾᔨᐅᖏᑦᑐᖅ ᖃᕆᑕᐅᔭᒃᑯᑦ ᐱᓕᕆᒍᑎᒃ, ᐃᒪᕐᒥ ᓄᓇᖑᐊᓕᐅᕐᓂᒃᑯᑦ, Ocean Asset Map 1.0, ᑲᔪᓯᑎᑕᐅᓯᒪᔪᖅ ᑲᓇᑕᒥ ᓂᐅᕙᐅᓚᒥᐅᓄᑦ ᐊᒻᒪ ᓚᐸᑐᐊᒧᑦ ᓂᐱᒋᔭᐅᔪᓄᑦ, ᑕᐃᔭᐅᔪᑦ ᑲᓇᑕᒥ ᖃᕆᑕᐅᔭᒃᑯᑦ ᐱᓕᕆᖃᑎᒌᑦ ᑲᓇᑕᒥ, Ocean Technology Alliance Canada (OTAC) ᐊᒻᒪ ᑲᓇᑕᐅᑉ ᑲᓇᓐᓇᖓᓂ ᐱᕕᒃᓴᖃᕈᓐᓇᕐᓂᕐᒧᑦ ᑎᒥᐅᔪᑦ, (Atlantic Canadian Opportunities Agency (ACOA)); ᐊᒻᒪ ᐃᑲᔪᕐᓯᔭᐅᓯᒪᓪᓗᑎᒃ ᐋᖅᑭᒃᓱᐃᑎᓪᓗᒋᑦ ᐅᑯᓄᖓ Canada’s Ocean Supercluster ᑲᓇᑕᒥ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᖃᒌᑦᑐᓄᑦ. ᐱᓕᕆᒍᑎᒃᓴᑦ ᓴᖅᑭᑕᐅᓯᒪᔪᑦ ᑲᑐᔾᔨᖃᑎᒌᓐᓂᖏᒍᑦ ᐱᓕᕆᖃᑎᖃᓂᐊᒍᑦ Triware,ᑯᓐᓂᒃ, ᓴᐃᑦ ᔭᓐᖦᒥ ᐱᓕᕆᕕᐊᓄᑦ. ᐊᑐᕐᓂᒃᑯᑦ ᑕᒪᐃᓐᓂᒃ ᑲᑎᕐᓱᕐᑕᐅᓯᒪᔪᓂᒃ ᑐᑭᓯᒋᐊᕐᕕᒃᓴᓂᒃ, ᐊᒻᒪ ᐊᔾᔨᐅᖏᑦᑐᒥᒃ ᐊᑐᖃᓯᐅᑎᓂᒃᑯᑦ ᖃᐅᔨᓴᕈᓯᐅᔪᒥᒃ ᐃᒪᐅᑉ ᐱᖅᑯᓯᐊᓂᒃ, ᐱᓕᕆᖃᑎᒌᑦᑐᑦ ᐋᖅᑭᒃᓯᓯᒪᔪᑦ ᖃᕆᑕᐅᔭᒃᑯᑦ ᓄᓇᖑᐊᒥᒃ ᑕᑯᒃᓴᐅᑎᑦᓯᔪᓂᒃ ᐃᒪᕐᔪᐊᑦ ᒥᒃᓵᓄᑦ ᑲᓇᑕᒥ ᐊᒻᒪ ᓄᐃᑕᑦᓯᐊᕐᑐᒻᒪᕆᐊᓗᓐᓂᒃ ᐃᒪᕐᔪᐃᑦ ᑕᒪᕐᒥᒃ ᒥᒃᓵᓄᑦ ᑕᑯᒃᓴᐅᑎᑦᓯᓂᒃᑯᑦ. ᑕᐃᒪᓐᓇ, ᓱᓇᕐᕈᑎᓂᒃ ᑕᑯᒃᓴᐅᑎᑦᓯᓂᒃᑯᑦ ᐊᔪᖏᓐᓂᕐᒥᓂᒃ ᐊᒻᒪ ᓴᓐᖏᓂᕆᔭᖓᓂᒃ ᑲᓇᑕᐅᑉ ᐃᒪᕐᒥᐅᑕᓕᕆᓂᒃᑯᑦ ᐊᒻᒪ ᐃᑲᔪᕐᓯᕙᓐᓂᖏᒍᑦ ᓄᓇᓕᓐᓂᒃ, ᑲᓇᑕᒥ, ᐊᒻᒪ ᓯᓚᕐᔪᐊᒥ ᐱᓕᕆᖃᑎᒌᓐᓂᒃᑯᑦ ᑲᑐᔾᔨᖃᑎᒌᓪᓗᑎᒃ. ᐅᓪᓗᒥ, ᐱᓕᕆᖃᑎᒌᓐᓂᖓ ᑲᓇᑕᓕᒪᒧᐊᖓᔪᓂᒃ ᐊᑎᓕᐅᕐᓯᒪᔪᖁᑎᖃᕐᑐᑦ 1,977,ᓂᒃ ᐊᒻᒪ ᐊᒥᓱᓄᑦ ᑕᑯᔭᐅᒋᐊᕐᐸᑦᓱᑎᒃ ᐱᓇᓱᐊᕈᓯᑕᒫᑦ.
ᓯᕗᓪᓕᕐᐹᒥ ᓄᓇᖑᐊᓕᕆᓂᖅ ᓴᓐᖏᔪᒃᑯᑦ ᐊᖅᑭᒃᑕᐅᓯᒪᓚᐅᕐᑐᑦ ᓲᕐᓗ ᑐᑭᓯᒋᐊᕐᕕᒃᓴᓕᐅᕐᓂᒃᑯᑦ, ᑭᓯᐊᓂ ᐱᕕᒃᓴᖃᕐᐳᖅ ᑲᔪᓯᒋᐊᓪᓚᒋᐊᖅ ᐊᒻᒪ ᐱᐅᓯᒋᐊᕐᑎᑦᓯᒋᐊᖅ ᐊᑐᐃᓐᓇᐅᔪᓂᒃ ᐅᓪᓗᒥ ᐱᓕᕆᒍᓯᓂᒃ. ᐊᕐᓱᕈᕈᑕᐅᔪᑦ ᑲᒪᒋᔭᐅᓕᕐᑎᓪᓗᒋᑦ ᓱᓕ ᐊᓯᔾᔨᖏᑦᑐᑦ: ᖃᓄᕐᓕ Ocean Assets ᓄᐃᑕᒻᒪᑕ ᑲᓇᑕᒥ ᐊᒻᒪ ᓇᑭᑦ ᑕᑯᔪᓐᓇᕐᐱᑎᒍᑦ ᓇᓂᔪᓐᓇᕐᐸᑎᒍ?
ᐅᑯᐊ OceansAdvance, ᑭᒡᒐᕐᑐᕐᓱᑎᒃ ᐱᓕᕆᔨᓂᒃ OTAC,ᑯᓐᓄᑦ, ᕿᓂᕐᒪᑕ ᑐᕌᒐᒃᓴᓂᒃ ᐊᒻᒪ ᑲᔪᓯᒋᐊᓪᓚᒍᑎᒃᓴᓂᒃ ᐱᓕᕆᐊᖑᓯᒪᔪᒧᑦ ᓯᕗᓪᓕᕐᐹᒥ. ᑕᐃᒪᐃᓐᓂᐊᕈᑎᒃ, ᕿᓂᕐᐳᒍᑦ ᑲᑦᓱᖓᐃᑦᑐᓂᒃ ᐊᒻᒪ ᐱᓕᕆᒍᒪᔪᓂᒃ ᑭᒃᑯᑐᐃᓐᓇᕐᓂᒃ ᐱᓂᐊᕐᓂᖃᓂᐊᕐᑐᓂᒃ ᐃᖅᑲᓇᐃᔭᕐᓂᒃᒧᑦ ᐅᑯᓄᖓ Ocean Asset Map 2.0 ᐱᓕᕆᐊᖑᔪᒧᑦ.
ᐱᓕᕆᐊᒃᓴᓪᓗᐊᑕᖏᑦ
ᑐᕌᒐᖃᓗᐊᕐᑐᑦ ᐱᐅᓯᒋᐊᕐᑎᑦᓯᒋᐊᖅ “ᓇᒻᒥᓂᖃᓂᒃᑯᑦ ᑎᑎᕋᕐᑕᐅᓯᒪᕕᐊᓄᑦ”, ᐊᒻᒪ ᖃᓄᐃᓐᓂᖓᓄᑦ ᐃᒪᕐᔪᐊᑦ ᑲᒪᒋᔭᐅᓂᖏᑎᒍᑦ ᐅᕘᓇ Ocean Asset Map (OAM) ᐊᒻᒪ ᑐᓴᕐᑎᑦᓯᖃᑦᑕᕐᓂᕐᒧᑦ ᐊᑲᐅᓯᕙᓪᓕᐊᓂᖏᑕ ᐱᐅᓯᕙᓪᓕᐊᓂᖏᑕ ᒥᒃᓵᓄᑦ.
ᑐᓴᐅᒪᑎᑦᓯᖃᑦᑕᕐᓂᒃᑯᑦ ᐱᓕᕆᐊᓂᒃ ᐃᑲᔪᕐᑕᐅᕕᒻᒥ ᒥᐊᓂᕐᓯᔨᒥᒃ, ᐃᑲᔪᕐᑕᐅᔭᕆᐊᓕᓐᓄᑦ ᐋᖅᑭᐅᒪᑎᑦᓯᔨ ᐅᑯᓂᖓ ᐱᓕᕆᐊᖃᕆᐊᓕᒃ ᐃᖅᑲᓇᐃᔭᕐᓂᒥᒍᑦ:
- ᐱᓕᕆᖃᑕᐅᑦᓯᐊᕐᓗᓂ ᐃᒪᕐᒥᒃ ᐊᔾᔨᓕᐅᕆᓂᒃ Ocean Asset Map 2.0,ᒥᒃ ᐱᓕᕆᔪᓄᑦ.
- ᐃᓚᐅᕙᓪᓗᓂ ᐃᒪᓕᕐᕆᓂᕐᒧᑦ ᖃᕆᑕᐅᔭᒃᑯᑦ ᐃᓕᓐᓂᐊᕐᓂᒃᑯᒃ.
- ᐱᓕᕆᕙᓪᓗᓂ ᐅᖃᖃᑎᖃᓂᒃᑯᑦ OAM,ᑯᓐᓄᑦ ᐱᓕᕆᖃᑕᐅᔪᓄᑦ, ᓴᖅᑭᑎᑦᓯᓂᒃᑯᑦ ᐱᓕᕆᖃᑎᒌᓐᓂᕐᒥᒃ ᐊᒻᒪ ᓄᐊᑦᓯᓂᒃᑯᑦ ᑐᑭᓯᒋᐊᕐᕕᒃᓴᓂᒃ.
- ᐊᑐᓕᕐᑎᑦᓯᓗᓂ ᐅᖃᖃᑎᖃᕈᑕᐅᔪᓐᓇᕐᑐᓂᒃ ᐅᑯᓄᖓ OAM ᐱᓕᕆᖃᑕᐅᔪᓂᒃ, ᐃᓚᐅᑎᑦᓯᐊᕐᓂᒃᑯᑦ ᐊᒻᒪ ᑲᔪᓯᑎᑦᓯᓂᒃᑯᑦ ᐱᓕᕆᐊᖑᔪᒧᑦ ᑐᕌᒐᕆᔭᐅᔪᓂᒃ.
- ᐱᓕᕆᖃᑎᒌᑦᓯᐊᕐᓂᒃᑯᑦ ᑐᓴᐅᒪᑎᑦᓯᖃᑦᑕᕐᓗᓂ ᓇᓗᓇᐃᔭᕐᑕᐅᓯᒪᔪᓂᒃ ᐃᒪᓕᕆᓂᕐᒧᑦ ᐱᓕᕆᔨᓂᒃ ᖃᐅᔨᒪᔭᕆᐊᖃᒪᑕ ᑎᑎᕋᕐᑕᐅᓯᒪᔪᖁᑎᖏᑎᒍᑦ, ᕿᒥᕐᕈᓂᒃᑯᓪᓗ ᑐᑭᓯᒋᐊᕐᕕᒃᓴᓂᒃ ᐊᒻᒪ ᐃᑲᔪᕐᓯᓂᒃᑯᑦ ᐊᓯᔾᔨᕐᑐᐃᒋᐊᖃᑐᐊᕐᐸᑕ.
- ᑲᔪᓯᑎᑦᓯᓂᖅ ᒥᑭᓂᕐᐹᖓᒍᑦ 65%,ᒧᑦ “ᓇᓗᓇᐃᕐᑕᐅᓯᒪᔪᓂᒃ” ᓴᓂᐊᓂ 1800 ᑎᑎᕋᕐᓯᒪᔪᓂᒃ ᐅᓪᓗᒥ ᑲᒪᒋᔭᐅᓯᒪᖏᑦᑐᓂᑦ.
- ᑎᑎᕋᐸᓪᓗᓂ ᑐᑭᓯᒋᐊᕐᕕᒃᓴᓂᒃ ᑕᐅᕐᓯᖃᑦᑕᕈᑕᐅᓯᒪᔪᓂᒃ ᐃᑲᔪᕐᑕᐅᔭᕆᐊᓕᓐᓄᑦ ᐃᒃᐱᒋᔭᖃᓗᐊᕐᓗᑎᒃ ᐊᕐᓱᕈᕐᓇᕐᑐᓂᒃ ᐅᕝᕙᓘᓐᓃᑦ ᐱᑐᐃᓐᓇᐅᖏᑦᑐᓂᒃ ᐊᑐᐃᓐᓇᖃᕆᐊᖃᓂᕐᒧᑦ ᑎᑎᕋᕐᓯᒪᔪᓂᒃ ᐅᕝᕙᓘᓐᓃᑦ ᕿᓂᕐᓂᒃᑯᑦ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᖓᓂᑦ.
- ᓇᒻᒪᓈᕐᑐᒃᑯᑦ ᐃᑲᔪᕐᓯᓂᖃᐸᓪᓗᓂ ᑐᓴᐅᒪᐅᑎᓕᕆᓂᒃᑯᑦ ᐃᒪᕐᒥᐅᑕᓕᕆᓂᕐᒧᑦ ᐃᑲᔪᕐᑕᐅᔪᒪᔪᓂᒃ ᐊᒻᒪ ᐃᑲᔪᕐᐸᓪᓗᒋᑦ ᐃᑲᔪᕐᑕᐅᔪᓐᓇᕐᓂᖏᑦ ᐱᓕᕆᐊᖑᔪᒧᑦ ᒥᐊᓂᕐᓯᔨᒧᑦ ᐅ-ᐅᕝᕙᓘᓐᓃᑦ Triware,ᑯᑦ ᐃᑲᔪᕐᓯᔨᖏᓐᓄᑦ ᐃᑲᔪᕐᑕᐅᔭᕆᐊᖃᕐᐸᑕ.
- ᐃᑲᔪᕐᑕᐅᔪᒪᔪᑦ ᐃᑲᔪᕐᐸᓪᓗᒋᑦ ᐋᖅᑭᒃᓱᐃᓂᕐᒧᑦ ᓄᑖᓂᒃ ᑎᑎᕋᕐᓯᒪᒋᐊᓕᓐᓂᒃ ᑲᒪᓂᕐᒧᑦ ᐊᒻᒪ ᐃᑲᔪᕐᓯᓂᒃᑯᑦ ᑲᔪᓯᑎᑦᓯᕙᓪᓕᐊᓂᒃᑯᑦ, ᐱᖃᓯᐅᑎᓗᒍ ᑎᑎᕋᕐᐸᓪᓕᐊᓂᖅ ᐅᓄᕐᓯᕙᓪᓕᐊᓂᖏᓐᓄᑦ.
- ᐱᓕᕆᐊᖃᕐᐸᓪᓗᓂ ᐊᓯᓕᒫᖏᓐᓂᑦ ᐱᓕᕆᐊᒃᓴᓂᒃ ᐃᑲᔪᕐᓯᓂᒃᑯᑦ ᐃᑲᔪᕆᐊᓕᓐᓂᒃ ᐱᓕᕆᐊᖑᔪᒧᑦ ᒥᐊᓂᕐᓯᔨᑯᑦ.
- ᐱᓕᕆᐊᖃᕆᐊᓕᒃ ᐋᖅᑭᒃᓱᐃᓂᕐᒥᒃ ᑲᑎᒪᓂᐅᒐᔭᕐᑐᓂᒃ ᐃᓱᓕᕝᕕᖃᕐᑐᓂᒃ ᐊᒻᒪ ᑕᒪᐃᓐᓂᒃ ᑲᔪᓯᑎᑦᓯᕙᓪᓗᓂ ᐱᓕᕆᐊᒃᓴᓕᒫᓂᒃ.
- ᐱᓇᓱᐊᕈᓯᑕᒫᑦ ᑲᑎᒪᖃᑕᐅᕙᓪᓗᓂ ᖃᕆᑕᐅᔭᒃᑯᑦ ᑭᐅᒋᐊᖃᓂᒃᑯᑦ ᐃᑲᔪᕐᑕᐅᔭᕆᐊᓕᓐᓄᑦ ᐊᒻᒪ ᑐᓴᐅᒪᑎᑦᓯᓗᓂ ᐱᓕᕆᐊᖑᔪᑦ ᖃᓄᐃᓕᖓᓕᕐᒪᖔᑕ.
- ᐋᖅᑭᒃᓱᐃᖃᑕᐅᕙᓪᓗᓂ ᐸᕐᓇᒃᑕᐅᔪᓂᒃ ᐃᓕᓐᓂᐊᕆᐊᖃᓂᕐᒧᑦ ᐃᑲᔪᕐᓯᔭᐅᓗᓂ ᐃᑲᔪᕐᑕᐅᔭᕆᐊᓕᓐᓄᑦ ᒥᐊᓂᕐᓯᔨᒧᑦ ᐃᒫᒃ ᐅᖃᐅᓯᖃᓂᒃᑯᑦ ᑐᕌᒐᕆᔭᐅᔪᑦ ᑲᔪᓯᑎᑕᐅᒋᐊᖃᓂᖏᓐᓂᒃ ᐊᒻᒪ ᓴᖅᑭᑎᑦᓯᓂᒃᑯᑦ ᐊᔪᖏᑕᐅᔭᕆᐊᓕᓐᓂᒃ ᐋᖅᑭᒃᓱᐃᓂᒃᑯᑦ ᐱᓕᕆᐊᒃᓴᑦ ᑲᔪᓯᓂᓕᒫᖏᓐᓂ.
ᐊᔪᖏᑦᑕᕆᐊᖃᓂᖏᑦ
- ᐱᓕᕆᐊᖃᕐᓯᒪᓗᓂ ᓂᐅᕕᐊᒃᓴᓕᕆᓂᕐᒥᒃ, ᑐᓴᐅᒪᐅᑎᓕᕆᓂᕐᒥᒃ, ᓇᒻᒥᓂᖃᓂᕐᒥᒃ, ᐅᕝᕙᓘᓐᓃᑦ ᑐᑭᓯᒋᐊᕐᕕᒃᓴᓕᕆᓂᕐᒥᒃ ᖃᕆᑕᐅᔭᒃᑯᑦ. ᐊᓯᖏᓐᓂᓪᓗ ᖃᐅᔨᒪᔭᖃᕈᓂ ᐊᑲᐅᔪᖅ.
- ᐅᓄᖏᓐᓂᕐᐹᓄᑦ 1,ᒥᑦ 2,ᓄᑦ ᐊᕐᓇᕈᓄᑦ ᐱᓕᒻᒪᒃᓴᕐᓯᒪᓗᓂ ᐊᔾᔨᑲᓴᖏᓐᓂᒃ ᐃᑲᔪᕐᑕᐅᔭᕆᐊᓕᓐᓂᒃ ᐃᑲᔪᕐᑎᐅᓂᕐᒧᑦ.
- ᓴᓐᖏᔪᒃᑯᑦ ᐱᔪᓐᓇᕐᓂᖃᕈᒪᓗᓂ ᐱᓕᕆᖃᑎᖃᕆᐊᖅ ᒥᐊᓂᕐᓯᔨᒥᒃ ᐊᒻᒪ ᑐᓴᐅᒪᐅᑎᓕᕆᓂᒃᑯᑦ ᐊᒻᒪ ᑐᑭᓯᒋᐊᕐᕕᒃᓴᓕᕆᓂᒃᑯᑦ ᖃᕆᑕᐅᔭᒃᑯᑦ.
- ᖃᐅᔨᒪᔭᖃᓗᓂ ᐊᑐᕆᐊᖅ Microsoft Office,ᒥᒃ, ᐱᓗᐊᕐᑐᒥᒃ Excel,ᒥᒃ ᐊᒻᒪ ᐊᔾᔨᒌᖏᑦᑐᓂᒃ ᐱᓕᕆᐊᒧᑦ ᒥᐊᓂᕐᓯᒍᑎᓂᒃ ᖃᓄᐃᓕᖓᒋᐊᖃᓂᖏᓐᓄᑦ/ᓴᓇᕐᕈᑎᓂᒃ, ᐊᒻᒪ ᐊᑐᕈᓐᓇᕐᓗᓂ ᐅᖓᓯᑦᑐᒃᑯᑦ ᑲᑎᒪᒍᑎᓂᒃ ᔫᒻᒥᒃ.
- ᐊᑲᐅᑦᓴᑦᓯᐊᕐᓗᓂ ᐅᖃᓕᒪᔨᐅᒋᐊᖅ ᐊᒻᒪ ᐱᓕᕆᖃᑎᒌᑦᑐᒃᓴᐅᓂᕐᒧᑦ ᑲᔪᓯᑎᑦᓯᒋᐊᖅ ᐅᖄᓚᐅᑎᒃᑯᑦ ᐊᒻᒪ ᐅᖓᓯᑦᑐᒃᑯᑦ ᑲᑎᒪᖃᑎᖃᓂᒃᑯᑦ ᐃᑲᔪᕐᑕᐅᔭᕆᐊᓕᓐᓂᒃ ᐊᒻᒪ ᐱᓕᕆᖃᑎᒋᔭᒥᓄᑦ.
ᐊᑑᑎᖃᒻᒪᕆᑦᑐᑦ
- ᐱᓕᒻᒪᒃᓴᕐᓯᒪᓗᓂ ᐃᑲᔪᕆᐊᖅ ᐃᑲᔪᕐᑕᐅᔭᕆᐊᓕᓐᓂᒃ, ᐊᓯᖏᓐᓂᓪᓗ, ᓂᐅᕕᐊᒃᓴᓕᕆᓂᕐᒧᑦ, ᐃᓅᓯᓕᕆᓂᕐᒧᑦ ᑐᓴᐅᒪᐅᑎᓕᕆᓂᒃᑯᑦ ᐊᒻᒪ/ᐅᕝᕙᓘᓐᓃᑦ ᑐᓴᐅᒪᑎᑦᓯᓂᒃᑯᑦ.
- ᐅᖃᓕᒪᒍᓐᓇᑦᓯᐊᕐᓗᓂ ᐊᒻᒪ ᑎᑎᕋᕈᓐᓇᕐᓗᓂ ᐅᐃᒍᐃᑎᑐᑦ.
- ᑭᖑᓪᓕᕐᐹᒥ ᐱᓕᒻᒪᒃᓴᕐᓯᒪᓂᖅ ᐱᒋᐊᕐᑎᑦᓯᓂᒃᑯᑦ ᐱᔾᔪᑎᖃᑐᓂᒃ ᐊᕙᑎᓕᕆᓂᕐᒧᑦ.
- ᐱᓕᒻᒪᒃᓴᕐᓯᒪᓗᓂ ᐱᔾᔪᑎᓕᓐᓂᒃ ᑮᓇᐅᔭᓕᐅᕋᓱᐊᕐᓂᕐᒧᑦ ᐅᕝᕙᓘᓐᓃᑦ ᐃᒪᕐᒥᐅᑕᓕᕆᓂᒃᑯᑦ ᑮᓇᐅᔭᓕᐅᕈᑎᖃᓂᒃᑯᑦ.
ᐱᔪᓐᓇᕐᓂᖃᐅᐅᑎᖏᑦ ᐊᒻᒪ ᓇᒧᑦ ᐃᓕᒪᓂᖓ
- ᑭᒡᒐᕐᑐᑦᓯᐊᕈᓐᓇᕐᓗᓂ, ᑐᓴᕐᑎᑦᓯᐊᕈᓐᓇᕐᓗᓂ, ᐊᒻᒪ ᓴᖅᑭᑎᑦᓯᒍᓐᓇᕐᓗᓂ ᐱᓕᕆᖃᑕᐅᔪᑦ ᓴᖅᑭᑎᑦᓯᒍᓐᓇᕐᓂᖏᓐᓂᒃ ᐊᒻᒪ ᐱᓕᕆᖃᑎᒌᑦᓯᐊᕈᓐᓇᕐᑎᑦᓯᓗᓂ.
- ᐱᓕᕆᖃᑎᖃᕈᓐᓇᕐᓗᓂ ᐊᒥᓱᐊᓘᖏᑦᑐᓂᒃ ᖃᐅᔨᓴᕐᑕᐅᓂᒃᑯᑦ ᓄᖅᑲᕐᑕᕐᕕᓕᓐᓂᒃ ᐊᕙᑎᒃᑯᑦ, ᐊᒻᒪ ᐃᑲᔪᑦᓯᐊᕈᓐᓇᐅᑎᖃᓗᓂ ᐃᑲᔪᕐᑕᐅᔭᕆᐊᓕᓐᓄᑦ.
- ᐊᑲᐅᓈᕐᑐᓂᒃ ᒥᐊᓂᕐᓯᒍᓐᓇᕐᓗᓂ, ᐸᕐᓇᓇᐃᕈᓐᓇᕐᓗᓂ ᐊᒻᒪ ᐃᓱᒪᒃᓴᕐᓯᐅᕈᑎᖃᕈᓐᓇᕐᓗᓂᓗ ᓯᓚᑐᔪᒃᑯᑦ.
- ᓴᖅᑭᑎᑦᓯᒍᓐᓇᕐᓗᓂ ᑭᒃᑯᑐᐃᓐᓇᐃᑦ ᐱᔪᓐᓇᕐᓂᖏᓐᓂᒃ ᐊᒻᒪ ᑐᓐᖓᓇᕐᑐᒃᑯᑦ ᐱᓕᕆᒍᓐᓇᕐᓗᓂ ᐊᒻᒪ ᑕᒪᐃᓐᓂᒃ ᐊᑐᕈᓐᓇᕐᓗᓂ ᐅᖓᓯᑦᑐᒃᑯᑦ ᑲᑎᒪᒍᓐᓇᕐᓂᕐᒥᒃ.
- ᐃᓱᒪᒃᓴᕐᓯᐅᕈᓐᓇᑦᓯᐊᕐᓗᓂ ᐋᖅᑭᒃᓱᕆᐊᓕᓐᓄᑦ ᐊᒻᒪ ᐊᖅᑭᒃᓱᕆᐊᕈᓐᓇᕐᓗᓂᒋᑦ ᐱᔪᓐᓇᕐᓂᖃᑎᑲᐅᓂᒃᑯᑦ.
- ᐃᒃᐱᒋᔭᖃᑦᓯᐊᕈᓐᓇᕐᓗᓂ ᑲᓇᑕᒥ ᐃᒪᕐᒥᐅᑕᓕᕆᓂᒃᑯᑦ ᑮᓇᐅᔭᓕᐅᕈᑕᐅᔪᓐᓇᕐᑐᓂᒃ, ᐱᓕᕆᐊᓂᓪᓗ ᐃᒪᕐᒥᒃ ᐊᔾᔨᓕᐅᕆᓂᕐᒧᑦ ᐱᓕᕆᐊᓂᒃ ᐊᒻᒪ ᑐᕌᒐᕆᔭᐅᔪᓂᒃ ᑲᔪᓯᑎᑦᓯᓂᒃᑯᑦ.
- ᑐᑭᓯᒋᐊᕐᑎᑕᐅᓯᒪᓗᑎᒃ ᒥᒃᓵᓄᑦ ᑐᐊᕕᕐᓇᕐᑐᑦ ᐱᓕᕆᐊᓴᐃᑦ ᑲᔪᓯᑦᓯᐊᕆᐊᖃᓂᖏᓐᓂᒃ ᐊᒻᒪ ᖃᖓᒃᑯᑦ ᐱᐊᓂᒋᐊᖃᓂᖏᓐᓂᒃ.
ᐊᑐᕈᓐᓇᕆᐊᖃᕐᑕᖏᑦ
- ᐃᓚᐅᓯᒪᓗᓂ ᐃᓕᓐᓂᐊᕐᓂᒃᑯᑦ ᑲᓇᑕᒥ ᓇᓗᓇᐃᒃᑯᑎᑖᕈᓐᓇᐅᑎᓂᒃ ᐃᓕᓐᓂᐊᒃᑲᓐᓂᕐᓂᒃᑯᑦ ᐅᑭᐅᖓᓂ 2022,ᒥ ᐃᓕᓴᕐᓂᒃᑯᑦ (ᑕᐃᒪᖓᓕᒫᖅ ᐅᕝᕙᓘᓐᓃᑦ ᐃᓛᓐᓂᓚᐅᓱᖓᖅ).
- ᐊᔪᖏᑦᓯᐊᕐᓗᓂ ᐅᖃᓕᒪᓂᒃᑯᑦ ᐊᒻᒪ ᑎᑎᕋᕈᓐᓇᕐᓂᒃᑯᑦ ᑐᓴᐅᒪᑎᑦᓯᒋᐊᖅ ᖃᓪᓗᓈᑎᑐᑦ.
- ᐊᑐᕈᓐᓇᕐᓂᖃᓗᓂ ᐅᖄᓚᐅᑎᒥᒃ.
- ᐊᑐᐃᓐᓇᖃᓗᓂ ᐊᑐᑎᖃᑦᓯᐊᕐᑐᒧᑦ ᖃᕆᑕᐅᔭᕐᓄᑦ ᐊᑐᕐᓂᒃᑯᑦ ᓲᕐᓗ ᐅᑯᓂᖓ Microsoft Office ᐊᒻᒪ Zoom,ᒥ, ᐊᒻᒪ ᐱᑐᑦᓯᒪᑦᓯᐊᕐᓗᑎᒃ ᖃᕆᑕᐅᔭᐃᑦ ᐊᑐᕆᐊᓕᖏᑦ.
- ᐃᖅᑲᓇᐃᔮᒃᓴᒧᑦ ᓂᕈᐊᕐᑕᐅᔪᖅ ᑲᓇᑕᒥᐅᑕᐅᔭᕆᐊᓕᒃ, ᓄᓇᖃᐃᓐᓇᕐᓯᒪᓗᓂ ᐅᕝᕙᓘᓐᓂᑦ ᓴᐳᒻᒥᔭᐅᓯᒪᓗᓂ ᓇᓗᓇᐃᔭᕐᑕᐅᓯᒪᓂᖏᑎᒍᑦ ᑲᓇᑕᒧᐊᕐᓯᒪᓂᐊᓄᑦ ᐊᒻᒪ ᓴᐳᒻᒥᔭᐅᒍᑎᖏᑎᒍᑦ ᓅᑕᐅᕙᑦᑐᑦ ᐱᖁᔭᕐᔪᐊᖓᑎᒍᑦ.
- ᓂᕈᐊᕐᑕᐅᔪᖅ ᐃᖅᑲᓇᐃᔮᒃᓴᒧᑦ ᒪᓕᒐᑎᒍᑦ ᐊᔪᖑᓐᓂᖃᓗᓂ ᐃᖅᑲᓇᐃᔭᕆᐊᖅ ᑲᓇᑕᒥ.
ᑕᓐᓇ ᐃᖅᑲᓇᐃᔮᒃᓴᖅ ᓴᖅᑭᑕᐅᓯᒪᔪᖅ ᐅᑯᐊ ICTC,ᑯᑦ ᐱᓂᐊᕐᓂᖏᑎᒍᑦ, WIL Digital Subsidy, ᐱᓕᕆᔭᒃᓴᐅᔪᒥᒃ ᐃᓕᓐᓂᐊᕐᐸᓪᓕᐊᓂᒃᑯᑦ.
ᐃᑲᔪᕐᓯᔭᐅᓗᓂ ᐃᑲᔪᕐᑕᐅᔭᕆᐊᓕᓐᓄᑦ ᐱᓕᕆᐊᓄᑦ ᒥᐊᓂᕐᓯᔨᒧᑦ, ᓂᕈᐊᕐᑕᐅᔪᖅ ᐃᖅᑲᓇᐃᔮᒃᓴᒧᑦ ᐱᐊᓂᒃᓯᒐᔭᕐᑐᖅ ᑕᑕᑎᕆᐊᓕᓐᓂᒃ ᖃᕆᑕᐅᔭᒃᑯᑦ. ᐃᖅᑲᓇᐃᔮᒃᓴᒧᑦ ᐆᑦᑐᕋᕐᑐᑦ ᑐᓂᓯᒋᐊᓖᑦ ᓱᓕᔾᔪᑎᓂᒃ ᐃᓚᐅᓂᐊᓄᑦ ᑲᓇᑕᒥ ᐃᓕᓐᓂᐊᕐᓯᒪᓂᒃᑯᑦ ᑲᓐᑐᕌᖓᑎᒍᑦ (ᐃᓛᓐᓂᒃᑯᑦ ᐃᓕᓐᓂᐊᕐᓗᓂᓗ ᑕᒪᕐᒥᒃ ᖃᓄᐃᖏᑦᑐᑦ).
ᐃᖅᑲᓇᐃᔮᒃᓴᖅ ᐊᖏᕐᑕᐅᔭᕆᐊᓕᒃ ᐅᑯᓄᖓ WIL Digital Subsidy,ᒥᒃ ᑕᑕᑎᕆᓂᒃᑯᑦ.
ᐃᖅᑲᓇᐃᔭᕐᕕᐅᑉ ᖃᓄᐃᓕᖓᓂᖓ
ᖃᓄᐃᑦᑑᓂᖓ ᐃᖅᑲᓇᐃᔮᒃᓴᐅᑉ: ᐃᓚᓐᓂᓚᐅᓱᖓᖅ
ᖃᖓᒃᑯᑦ ᐃᖅᑲᓇᐃᔭᕐᓂᖅ: ᐱᕕᒃᓴᖃᓂᖅ – 8:30ᐅᓪᓛᒃᑯᑦ 4:30ᐅᓪᓗᒧᑦ ᐅᕝᕙᓘᓐᓂᑦ 9:00ᐅᓛᒥ 5:00ᐅᓐᓄᓴᒧᑦ
ᐃᑲᕋᐃᑦ: 35 ᐃᑲᕐᕋᐃᑦ ᐱᓇᓱᐊᕈᓯᕐᒥᒃ (ᐅᓄᖏᓐᓂᕐᐸᐅᒍᓐᓇᕐᓱᑎᒃ 28 ᐃᑲᕐᕋᐃᑦ)
ᖃᖓᒃᑯᑦ ᐱᒋᐊᕐᓂᖅ: ᒫᓐᓇᑦᓴᐅᑎᒋᒃ
ᐃᓱᓕᕝᕕᐊ: 31-ᒪᕐᔨ -2022 ᑲᔪᓯᒋᐊᓪᓚᑐᐃᓐᓇᕆᐊᖃᕐᓱᓂ 22-ᐊᐃᕆᓕ -2022,ᒧᑦ
ᐊᑭᓕᐅᑏᑦ: 24.00 ᑲᓇᑕᒥ ᐃᑲᕐᕋᖏᑎᒍᑦ
ᓱᓕ ᑐᑭᓯᒋᐊᕐᕕᒃᓴᐃᑦ
ᓴᖅᑭᑎᑕᐅᓂᐊᑕ ᐅᓪᓗᖓ: 4-ᔭᓄᐊᕆ-2022
ᐆᑦᑐᕋᕐᕕᐅᑉ ᐃᓱᓕᕝᕕᐊ: 20-ᔭᓄᐊᕆ-2022
ᖃᓄᖅ ᐆᑦᑐᕋᕈᓐᓇᕐᓂᖅ: ᖃᕆᑕᐅᔭᒃᑯᑦ ᐆᒧᖓ chanel.dumoulin@oceansadvance.net
ᓱᓇᐃᑦ ᐊᑐᐃᓐᓇᐅᕙᑦ ᐃᓕᓐᓄᑦ?
- ᐊᑭᓕᐅᓯᐊᑦ
- ᐊᖏᓪᓕᒋᐊᕐᓗᒍ ᑐᓴᐅᒪᖃᑎᒌᓐᓂᖅ ᑲᓇᑕᒥ ᑮᓇᐅᔭᓕᐅᕋᓱᐊᕐᓂᒃᑯᑦ ᐊᖏᓪᓕᕙᓪᓕᐊᓂᐊᒍᑦ
- ᐃᖅᑲᓇᐃᔭᕈᓐᓇᕐᓂᕐᒧᑦ ᖃᓄᕐᑑᕈᓐᓇᕐᓗᓂ ᐊᒻᒪ ᐅᖓᓯᑦᑐᒃᑯᑦᑐᑦ ᐃᖅᑲᓇᐃᔮᑦ ᐱᐊᓂᒍᓐᓇᕐᓗᒋᑦ
- ᐃᖅᑲᓇᐃᔭᕐᑎᓂᒃ ᐱᓕᕆᖃᑎᖃᑦᓯᐊᕐᓗᓂ ᑲᔪᓯᖁᓪᓗᒋᑦ ᑐᕌᒐᕆᔭᐅᔪᑦ
ᐱᓕᕆᖃᑕᐅᓕᕆᑦ ᐃᖅᑲᓇᐃᔭᕐᑎᓄᑦ
ᑕᐃᒪᓕ ᑖᓐᓇ ᐃᖅᑲᓇᐃᔮᒃᓴᒃ ᐃᓕᓐᓄᑦ ᐊᑲᐅᓈᕐᑐᒋᒍᕕᐅᒃ, ᐊᒻᒪ ᐃᑲᔪᕈᒪᒍᕕᑦ ᐊᓯᔾᔨᕈᑕᐅᒻᒪᕆᓐᓂᐊᕐᑐᓄᑦ ᐃᒪᕐᔪᐃᑦ ᐊᒃᑐᕐᑕᐅᓂᖏᓐᓄᑦ, ᑐᓴᕐᕕᒋᔭᐅᔪᒪᑦᓯᐊᕐᐳᑎᑦ.
ᑐᓂᓗᒋᑦ ᐊᖅᑭᒃᓱᕐᓯᒪᑎᓪᓗᒋᑦ ᐊᑐᕐᓂᒃᑯᑦ ᐆᒥᖓ PDF ᑎᑎᖅᑲᐃᑦ ᐃᖅᑲᓇᐃᔭᕐᓯᒪᓂᕐᐱᑦ ᒥᒃᓵᓄᑦ ᐊᒻᒪ ᑎᑎᖅᑲᑦ ᓯᕗᓪᓕᕐᒥ, ᐃᒃᐱᒋᓗᐊᕐᓗᒍ ᖃᓄᖅ ᐱᓕᒻᒪᒃᓴᕐᓯᒪᓂᕆᔭᒃᑯᑦ ᐃᑲᔪᕈᓐᓇᕐᒪᖔᕐᐱᑦ. ᑕᑯᒃᓴᐅᑎᑦᓯᓂᒃᑯᑦ ᐊᒻᒪ ᐅᖃᐅᓯᖃᓂᒃᑯᑦ ᓱᒧᑦ ᐊᑲᐅᓈᕐᓂᕐᐸᐅᔪᕆᒻᒪᖔᕐᐱᑦ ᐃᖅᑲᓇᐃᔮᒃᓴᒧᑦ.
ᐱᓂᐊᕐᓂᖃᕋᑦᑕ ᑲᔪᖏᕐᓱᐃᒋᐊᖅ ᐃᓚᐃᓐᓈᖏᓐᓂᕐᒥᒃ, ᐊᔾᔨᒌᖏᑦᑐᓂᒃ ᐊᒻᒪ ᐃᓚᐅᑎᑦᓯᓂᒃᑯᑦ ᑲᓇᑕᐅᑉ ᐃᒪᕐᔪᐊᖏᓐᓂ ᑮᓇᐅᔭᓕᐅᕋᓱᐊᕐᓂᒃᑯᑦ ᐊᒻᒪ ᑐᓐᖓᓱᑦᑎᑦᓯᔪᒍᑦ ᐆᑦᑐᕋᕐᑐᓂᒃ ᐃᖅᑲᓇᐃᔮᒃᓴᒧᑦ ᓇᓗᓇᐃᕐᓯᓂᖏᑎᒍᑦ ᐃᒻᒥᓂᒃ. ᑐᓐᖓᓱᒋᑦᓯ ᑕᑕᑎᕆᓂᒃᑯᑦ ᑭᒃᑯᓐᓂᖓᕐᒪᖔᕐᐱᑦ ᑭᓇᐅᒻᒪᖔᕐᐱᓪᓗ ᑎᒥᐅᔪᓂ: ᓄᓇᖃᖅᑳᕐᓯᒪᔪᑦ, ᑭᒃᑯᓂᖏᓐᓄᑦ ᐊᑭᕋᕐᑐᕐᑕᐅᕙᑦᑐᑦ, ᑎᒥᒃᑯᑦ ᐊᔪᕈᑎᖃᓂᖅ, ᐊᕐᓇᐃᑦ, ᐊᒻᒪ ᑭᒃᑯᑐᐃᓐᓇᐃᑦ ᑭᒡᒐᕐᑐᕐᑕᐅᓗᐊᖏᑦᑐᑦ ᑭᒃᑯᓂᖏᑦ ᐊᒻᒪ/ᐅᕙᓘᓐᓃᑦ ᐊᕐᓇᐅᓂᖏᑦ ᐊᖑᑕᐅᓂᖏᑦ ᐱᔾᔪᑕᐅᓪᓗᑎᒃ.
ᐅᖃᓚᖃᑦᑕᖏᓪᓗᓯ. ᑕᒪᕐᒥᒃ ᑕᑕᑎᕐᑕᐅᓯᒪᔪᑦ ᕿᒥᕐᕈᔭᐅᓛᕐᑐᑦ, ᑭᓯᐊᓂ ᓂᕈᐊᕐᑕᐅᔪᑦ ᐅᖃᓚᕕᐅᒐᔭᕐᓗᑎᒃ. ᑕᒪᕐᒥᒃ ᐊᐱᕐᓱᕐᓃᑦ ᑲᔪᓯᒐᔭᕐᑐᑦ ᐊᑦᑕᓇᖏᑦᑐᒃᑯᑦ ᐊᒻᒪ ᐅᖓᓯᑦᑐᒃᑯᑦ ᑲᑎᒪᒍᑎᒃᑯᑦ, Zoom,ᑯᑦ. ᖁᔭᓕᕗᒍᑦ ᐃᒃᐱᒋᔭᖃᕋᕕᑦ ᑕᒪᑐᒥᖓ ᐊᒻᒪ ᐃᖅᑲᓇᐃᔭᖃᑎᖃᕈᒪᒐᕕᑦ . Ocean Asset Map,ᑯᓐᓄᑦ ᐃᖅᑲᓇᐃᔭᕐᑎᓄᑦ.
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᑯᐊ ᒥᒃᓵᓄᑦ OceansAdvance, ᑕᑯᒋᐊᕐᓗᒍ ᖃᕆᑕᐅᕙᒃᑯᑦ ᐅᕘᓇ: https://oceansadvance.net.
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᑯᐊ ᒥᒃᓵᓄᑦ Ocean Asset Map, ᑕᑯᒋᐊᕐᓗᒍ ᖃᕆᑕᐅᔭᒃᑯᑦ ᐅᕘᓇ: http://canadasoceanassets.ca/.